Nan Jean 14:2-3 Jezi fè nou konprann déjà gen anpil rekonpans ki pare pou nou. Jezikri al prépare plas pou moun ki vle swiv li apresa Lap vini poul ale avek nou, paske li di kote la ye a se la na ye tou.
Si nou gen tout espwa sa yo, si nou gen asirans nan pawol sa yo, men pou kisa nou derefize mete Jezikri nan lavi nou? Fok mwen di nou sa, okenn moun pap ka antre nan peyi kote Bondye wa si li pa asepte Jezikri avan li mouri. Pi bonè se granm maten, ( Fok nou ranje kabann nou avan domi pran nou). Sa vle di pa gen konvèsyon apre lanmo, nou gen pou’n mouri Yon sel fwa, apresa se jijman kap vini , selon Hébreux 9:27.
Pa gen pèditan nan Levanjil, paske Jezi pa lwen poul retoune, men sa ki ekri nan Révélations 22:7″Koute map vini talè konsa », si Jezi di Lap vini talè konsa, eskel pa tap bon pou nou toujou nan kondisyon ap tann li? Jezikri ap vini se vre! Men li pa gen jou ni dat poul rive sou nou, « Se poutèt sa, pa kite domi pran nou, paske nou pa konnen ki jou Senyè a va vini. Selon Matthieu 24:42 ».
Se ak anpil atansyon nap tann retou Kris la, paske jou sa a ap bel anpil anpil, men konsa tou Lap di anpil tou. « Révélations 22:12 Jezi di; map vini talè konsa map pote rekonpans map Bay la ave’m pou’m Bay chak moun sa yo mérite selon sa yo fè ».
Apre nou fi’n li vèsè 12 la nan Révélations 22 an, eske kè nou pa kontan? Eske nou gen konfyans ke nap jwenn rekonpans kap fè nou kontan?
Tem di nou sa, Jezikri pral rekonpanse nou daprè sa nou tap regle. Nan moman sa gen moun kap ri, kap an jwa, kap danse paske yo te travay pou moun viv byen youn ak lot daprè sa ki ekri nan Matthieu 5:9. Pral gen anpil lot kap kriye, kap rele, kap nan lapenn, kap boule paske moun sa yo pat koute ni obeyi ak pawol Bondye a, se meprize selman yo tap meprize moun kap Bay mesaj la. Moun sa yo se kolè Bondye ki pral tonbe sou yo, yo pap jwenn okazyon pou manje sou menm tap ak Abraham. Men ya lage yo nan dife ki pap mouri an.
Kounye a ki désizyon w? Eske boule se Yon bon bagay? Eske w pata renmen youn nan moun ki gen pou manje menm kote ak Kris la? Eske w pata renmen jwenn Yon bon rekonpans kap fè kè w kontan anpil?
Ou pa gen lot chwa ke asepte Jezikri nan lavi w, fok ou fè sa paske nou paka konte sou démen, nou pa konn ki jou Senyè a va vini, mete Kris nan lavi w se sel fason nou ka chape anba kolè Bondye. Pa koute bel pawol kap soti nan bouch moun, men se aplike sa La Bib di nou fè.
Benediksyon pou moun ki koute, mete an pratik pawol vérité a. Benediksyon pou moun ki reli e ki pataje Mesaj sa ak lot moun.
Info +50946879719